(3) Ubatuba Januar

Am 1. Januar hemmer ganz spontan entschide, das mer no am gliche tag an strand fahred. de adriano, sini schwoester und ich hend sich am fruene morge uf de weg gmacht. swetter isch grau und verregnet gsi und zum vo curitiba richtig sao paulo fahre fahrt mer ewig lang anere strass ide huegel entlang und links und rechts isch alles gruen und nid selte begenet mer anere bananeplantage. mer hend waerend de fahrt oepe 500mal dkassete "dj jazzy jeff & the fresh prince" (boom shake shake shake the room) gloset und au ganz lustigi spili gspilt. so hets spil uf de erste autobahn "wer gseht me toti huend" gheisse. mer hend 8 huend uf oepe 3km zellt. uf dere strass wos links und rechts nur gruen isch hemmer "ich gsehn oepis wo du nid gsehsch" gspillt. "ich gseh oepis wo du nid gsehsch und das isch gruen" "baum" "ich gseh oepis wo du nid gsehsch und das isch grau" "himmel?" "nei" "strass?" "nei" "stei?" "ja!" denn ischs spil uf grund vo gegestandmangel fertig gsi.

nach sao paulo wird strass eispurig und langsam(und es het ke tankstelle me zum pipi mache). uf de strass zum strand hemmer e halb stund muese warte wil chlini erdruetsch ufd strass gheit sind und zersch derde het muese abtransportiert werde bis dautos wider platz gha hend zum durefahre. nach fasch zwoelf stunde fahrt simmer endli in ubatuba acho wo eus dteresa, dcarol, de ricardo und de pedro scho erwartet hend.am nechste tag hets den au ufghoert regne und shet zwei wuche lang fasch nueme gregnet. am sunntig sind den djacqueline, de augusto, djulia und de sebastian acho und de adriano isch defuer am maentig wider heigfahre.

vo det a hemmer immer supersunnigs wetter gha und dtemperatur isch bis zu 40grad

ueklaeteret. mer hend zwei wuche lang nuet anders gmacht, als umelige, suennele, vom einte an andere strand zfahre, im pool zlige, is blues on the rockeeers zga und mitem augusto go wanddeko chaufe ;)

djulia het nach eim tag afange umelaufe wie en weltmeister und het ganz flissig gschwaetzt ohni oepis zsaege. aber si het au es paar verschissni erfahrige gmacht ;)

de pedro-henrique isch oepe 20mal am tag go pipi mache, wil er ez elei ufs wc cha. usserdem spillt er gern monster und finds u laessig anderi luet zschlah.

nach zwei wuche sind dcarolina und ich mit de carol und em ricardo uf araraquara gfahre und hend eus vode schwiizer muese verabschide. in araraquara hemer de adriano wider troffe und er het freud gha mir sini alt heimatstadt zzeige. nach drue taeg simmer zrug uf curitiba gfahre, wos gern regnet.